لعشّاق الـــ G M C

10-01-07, 11:14 AM

الجمييييييييييييييييح................

جمس ... يمكن يطيري

من قصائد وصف السيارات قول حميد الذيابي يتغنى بالجمس :
ياراكب اللي حرف ( جي . ام ) يزهاه ----- لادق ســلفه غاديٍ لـــــه هــديري
ضغط المـكينة يـــوم صنعـت بمنشــاه ----- أربع ميـه واربع وخمسين غيري
لاداســــه الســــواق مايلحــق اقصاه ----- ينوز نوز الجـــافـل المســـتــذيري
صنعــه يهوديٍ عســى النار مـــثواه ----- عساه فـي وسـط اللهيب السـعيري
أنا اشـــهــد انه ضــبطه يــوم سواه ----- لو حــط لــه جنحـان يمكن يطــيري

الجميحي والخوي

يمتدح الشاعر سعد بن جدلان ( الجمس الحمر ) الذي تستورده شركة ( الجميح ) بقوله :
يازين الجمبحـي لاسرى والعباد خـفوت ----- يبــي لازمٍ متماكنـــه قــــبل لايفـــوته
على هجعة الساري وسجة هل البيلوت ----- لاقام يتقلب تحت رجــلك تقــــل حوته
برفقة خـــويٍ صافيٍ مــعك حتى الموت ----- إذا جر صوته ينجلي الهم من صوته
يداري على سجتك من هرجة السربوت ---- وغــلطتك عنده داخل البحـر مزتوتة

الجمس مقيالي
يعيش هذا الشاعر مرحلة تمازج مذهلة مع وانيته ( الجمس ) فيقول :

الناس لاقيلوا , في الجمس مقيالي ----- عصاي قيره ومسباحي دركسونه
وشماسته غترتي وابنصـه نعالــي ----- والمرتبه غترتي والرف طبلـونـه

10-01-07, 11:43 AM

قصائد حلوة ...

لكن فيه احد الابيات غريب شوي ؟؟

وشماسته غترتي وابنصـه نعالــي ----- والمرتبه غترتي والرف طبلـونـه

11-01-07, 01:15 PM

عز يالجميح
صح لسانك أخوي العمده611

14-01-07, 11:04 PM

صح السانك والسان الشاعر

وبرغم انه لدي بعض التحفضات (على ملعون الجدف Gmc)

ولا هنت

15-01-07, 04:05 AM

صح لساااااااااااااااانك يالعمدة

والجمس هو والفرد والدوج من اكثر السيارات اللي تغنى به
شعراء الجيل الماضي
والصراحة ان القديمات يستاهلن
خصوصاً لا جاك جمس احمر
زي هذا

03-03-07, 11:05 PM

هيــــــــــــــــــــــــجت المشاعر يالعمدهـ
الله يذكر أبوي بالخير

25-08-08, 08:57 PM

شباب السلام عليكم ورحمة الله وبركاته

الله يهديك والله ثم والله ثم والله انكم توجعوني لامن طريتوا الجمس ولا حطيتوا صوره تكفون لا لا

الله يلعن ابو الديون الى خلتني اغلط وبيعه قسم بالله ثم والله اني ندمان على الساعة اللي دخلت به فيها السوق ولا تحسبوني ياشباب ابالغ في كلامي والله العظيم اني دورت مثله مالقيت يعن ابوه له غلا في قلبي الله اعلم به
قسم بالله لو القى احد بيقسط على واحد مثله او مثل اللي في الصورة والله العظيم ان اعطيه ضمانات اللي يبي

وتكفون ياشباب طالبكم طلبه داخل على الله ثم عليكم لو تعرفون واحد بيقسطه على بالشهر ان اخذه بس يكون الموتر تكانه وبعطيه اللي يبي من الضمانات

شباب اللي مهتم للموضوع يشارك واللي ماله في الموضوع تكفون لا ينطل كلام

29-08-08, 02:15 PM

شكراااااااا

29-08-08, 03:50 PM

ياملا العافية يالعمدة والجمس واجد القصايد فيه

ياتل قلبي تلة الجمس مع خط *** ويا صيح قلبي صيحة السير لا صاح

في رملة قدمة تغاريس وهبط *** شرار شكمانه تقل ضوء قداح

29-08-08, 08:20 PM

مشكورررررر

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: لعشّاق الـــ G M C
الموضوع	كاتب الموضوع	المنتدى	مشاركات	آخر مشاركة
جيب الـــ لكزس .	العمـــ 611 ـــدهـ	شعر و خواطر و قصايد	0	04-03-07 11:06 PM

الذين يشاهدون محتوى الموضوع الآن : 1 ( الأعضاء 0 والزوار 1)