الرجال افعال مهي اقوال .
مرحبا والشعر يتجدد ...
ترى جل الوعود اشبه بليلٍ ما فيه نجوم
وترى بعض الوعود إلي تجي ما ودك إتجيها
وترى فعل الرجال باقي لو مرت عليه تروم
وترى أغلب رجال اليوم ما ودك تخاويها
تعال قلي على وش هو نسمي رجالنا إقروم
وعلى وش هو نحط عقال وانتم مالكم فيها
تواعدنا وتسحب كنك مواعد ألم وهموم
وترجع مع مرجع ناس مدري وش تواليها
الا يا وقت إبكيني تراني منتفض باللوم
قسم ربي اعاشر ناس مدري كيف مباديها
يجود الشعر جبر الكسر وانا إلي بها ملزوم
عطيت وجيت آبي آخذ ولا لي من عطاويها
كليت الهم واثر الهم من اصله طلع مسموم
الا يا عزتي مليت هالدنيا مع بلاويها
تراني من صداقات الاخوّه أثرني محروم
وأجر الصوت لاجل الموت لا يقرب نواحيها
وترى الصداقه مثل إلي يغيّر كل يوم هدوم
يغير شكلها ويقلب معاليها و مواطيها
اجدد خاطري وانسى وكن إلي حصل باليوم
خواطر جت على شاعر وعيا لا يعديها
اتمنى ان تنال إعجابكم ...
|
20-05-08, 09:33 PM
العرض العادي
المواضيع المتشابهه للموضوع: الرجال افعال مهي اقوال .